NEC waacha jina la mgombea aliyejitoa Jimbo la Segerea!

Mgombea Ubunge kwa tiketi ya CUF Julius Mtatiro 

Mtatiro alizungumza na gazeti hili, alipokwenda kutembelea kituo cha kupigia kura cha Tabata, Kisiwani jana na kusema, kuwepo kwa jina hilo kwenye karatasi ya mpiga kura, ni makosa kwa sababu mgombea huyo alishajitoa.By Doris Maliyaga

Dar es Salaam.Mgombea Ubunge kwa tiketi ya CUF, chini ya mwamvuli wa Umoja wa Katiba ya Wananchi(UKAWA) jimbo la Segerea, Julius Mtatiro, ameilalamikia Tume ya Taifa ya Uchaguzi (NEC) kwa kulibakisha jina la Anatropia Theonest wa Chadema kwenye karatasi ya mpiga kura wa jimbo lake, wakati walishakubaliana amejitoa.

Mtatiro alizungumza na gazeti hili, alipokwenda kutembelea kituo cha kupigia kura cha Tabata, Kisiwani jana na kusema, kuwepo kwa jina hilo kwenye karatasi ya mpiga kura, ni makosa kwa sababu mgombea huyo alishajitoa.

"Uchaguzi unaendelea vizuri, lakini lipo tatizo moja lililojitokeza ambalo ni kuwepo kwa jina la Anatropia Theonest kama mgombea wa Ubunge wa jimbo la Segerea kwa tiketi ya Chadema wakati alishajitoa, hiyo inaweza kuwachanganya wapiga kura,"alisema Mtatiro.

Amesema, Theonest ni wa Chadema lakini Ukawa walishakubaliana kumsimamisha Mtatiro kuwa mgombea wa jimbo hilo chini ya mwamvuli huo.

/Mwananchi.