TLS yatakiwa kusaidia wananchi na sio kujigeuza wanaharakati wa kisiasa!

Naibu Katibu Mkuu Wizara ya Katiba na Sheria Bwana Amon Mpanju amekitaka Chama cha Wanasheria Tanganyika TLS kuwahudumia wananachi kulingana na miiko, kanuni ya taaluma yake badala ya kujigeuza wanaharakati wa siasa.

Akizungumza na wakufunzi wa mafunzo ya wasaidizi wa sheria nchini amesema taaluma ya sheria ipo kwa ajili ya kujenga nchi na siyo kujikita kwenye uwanaharakati na malumbano ya kisiasa na serikali.

Kwa upande wake, Mkurugenzi Mtendaji wa Chama cha Wanasheria Kaleb Gamaya amesema chama hicho kimesaidia kutatua matatizo ya wananchi na wakati mwingine bila hata kufika mahakamani.