MAALIM SEIF SHARIF HAMAD AWAHIMIZA WANANCHI KULINDA NA KUHIFADHI UTAMADUNI, MILA NA SILKA ZAKIZANZIBARI

Written by Harith  //  18/10/2013  

WILAYA YA KASKAZINI A.

MAKAMO WA KWANZA WA RAIS WA ZANZIBAR AL-HAJJ MAALIM SEIF SHARIF HAMAD AMEWAHIMIZA WANANCHI WA ZANZIBAR KUUNGANA KATIKA KULINDA NA KUHIFADHI UTAMADUNI, MILA NA SILKA ZAKIZANZIBARI ILI KUEPUSHA TABIA YA KUIPOTOSHA KWA MAKUASUDI INAYOFANYWA NA BAADHI YA WATU.

MAALIM SEIF AMETOA WITO HUO LEO, WAKATI AKIZUNGUMZA KATIKA HAFLA YA MAULID YA KUZALIWA KWA MTUME MUHAMMAD (S.A.W), YALIYOANDALIWA NA MADRASAT NUR ISLAMIYA HUKO KATIKA KIJIJI CHA TUMBATU JONGOWE, WILAYA YA KASKAZINI ‘A’ UNGUJA.

AMESEMA KUWA UTAMADUNI NA MILA ZA WAZANZIBARI NI ZA KIPEKEE NA UIMERITHIWA KWA MIAKA MINGI, LICHA YA BAADHI YA WATU KUUPOTOSHA KWA MALENGO MAALUM, JAMBO AMBALO LINAPASWA KUPIGWA VITA NA WANANCHI KWA KULIKATAA.

AMESEMA KUWA HISTORIA YA ZANZIBAR INA MAFUNGAMANO MAKUBWA NA DINI YA KIISLAMU KWA ZAIDI YA MIAKA 1000, HALI AMBAYO INATHIBITISHWA NA KUWEPO MAENEO MENGI YA KIHISTORIA, IKIWEMO MSIKITI WA KIZIMKAZI, MAGOFU YA MAJENGO YA ASILI HUKO MAKUTANO KATIKA KISIWA CHA TUMBATU, PAMOJA NA ATHARI ILIYOPO KATIKA ENEO LA KIHISTORIA LA MKUU, KISIWANI PEMBA.

AIDHA, MAKAMU WA KWANZA WA RAIS AMESEMA KUWA MALENGO HAYO YATAWEZA KUFIKIWA IWAPO WALIMU, MASHEIKH NA WAZEE WATAKUWA NA TABIA YA KUWAFUNZA WATOTO WAO HISTORIA NA UTAMADUNI WA NCHI YAO.

MAKAMU WA KWANZA WA RAIS PIA AMETUMIA HAFLA HIYO KUHIMIZA UMOJA NA MSHIKAMANO MIONGONI MWA WAZANZIBARI HUSASAN WAKATI HUU WA KUTAFUTA KATIBA MPYA YA TANZANIA, ILI KUWEZA KULINDA MASLAHI NA MUSATAKABAL MWEMA WA ZANZIBAR.

KATIKA RISALA YAO WANA MADRASA HAO WA NUR ISLAMIYA WALIWAPONGEZA WANANCHI NA VIONGOZI MBALI MBALI, KUTOKANA NA MICHANGO YAO ILIYOWEZESHA MADRASA HIYO KUJENGWA KATIKA KIPINDI KIFUPI.

KATIKA RISALA HIYO ILIYOSOMWA NA MAALIM JUMA MAKAME, WAMEAHIDI KUENDELEA KUSHIRIKIANA NA SERIKALI, PAMOJA NA WANANCHI WA KIJIJI HICHO KATIKA KUWAJENGA WATOTO KATIKA MAADILI MEMA, ILI WAWE WANANCHI WEMA WANAOWEZA KUTEGEWA NA TAIFA.

NAE, NAIBU KADHI MKUU WA ZANZIBAR, SHEIKH HASSAN OTHMAN NGWALI AKIHUTUBIA KATIKA HAFLA HIYO, AMEWAHIMIZA WAUMINI WA KIISLAMU KUZIDISHA BIDII KATIKA KUMSIFU MTUME MUHAMMAD (S.A.W), NA KUSHIKAMANA NA MAFUNDISHO YAKE KIVITENDO.

MAULID HAYO YA KUZALIWA KWA MTUME MUHAMMAD (S.A.W) HUFANYIKA KILA MWAKA IFIKAPO MWEZI 12 MFUNGUO TATU.