Kamati ya nishati na mazingira kutoka binge la Norway wafanya mazungumzo na watendaji wa wizara panoja na ZECO

Waziri wa Ardhi Makaazi Maji na Nishati (katikati) Mh: Ramadhan Abdallah Shaaban akitoa shukran zake mbele ya wajumbe wa Kamati ya Nishati na Mazingira kutoka Norway wakati alipofanya mazungumzo na ujumbe huo katika ukumbi wa Wizara ya Ardhi Makaazi Maji na Nishati (AMMN) Forodhani Zanzibar.

Baadhi ya wajumbe wakimsikiliza Waziri wa Ardhi Makaazi Maji na Nishati, Mh: Ramadhan Abdallah Shaaban (hayupo pichani) katika mkutano wa pamoja na Kamati ya Nishati na Mazingira kutoka Norway ujumbe uliofika Wizara ya Ardhi Makaazi Maji na Nishati (AMMN) na kufanya mazungumzo na watendaji wa Wizara pamoja na ZECO.

Baadhi wa wajumbe wakifuatilia kwa makini Mkutano huo

Katibu Mkuu Wizara ya AMMN, Ali Khalil Mirza (wa pili toka kushoto) akielezea jambo kwa wajumbe wa Kamati ya Nishati na Mazingira ya Bunge la Norway. Ujumbe huo umefika nchini kwa lengo la kuangalia utekelezaji wa miradi mbali mbali inayofadhiliwa kupitia Shirika la Maendeleo la Norway (NORAD)

Meneja Mkuu wa Shirika la Umeme Zanzibar (ZECO), Mhandisi: Hassan Ali Mbarouk akiwasilisha mada mbele ya ujumbe kutoka Norway juu ya mafanikio ya utekelezaji wa awamu nne za mradi wa usambazi umeme vijijini uliofadhiliwa na Shirika la Maendeleo la Nchi ya Norway (NORAD) katika ukumbi wa mikutano wa Wizara ya Ardhi Makaazi Maji na Nishati (AMMN) Forodhani Zanzibar. 

(Wa kwanza kushoto) Waziri wa AMMN, Mh: Ramadhan Abdallah Shaaban akifuatiwa na Katibu Mkuu Wizara ya AMMN, Ali Khalil Mirza na Wajumbe kutoka nchi ya Norway wakifuatilia muwasilisho unaotolewa na Meneja Mkuu wa Shirika la Umeme Zanzibar (ZECO) Hassan Ali Mbarouk (hayupo pichani) juu ya mafanikio ya utekelezaji wa awamu nne za miradi ya usambazaji umeme vijijini.

Mjumbe kutoka Bunge la nchi ya Norway akiuliza suala kwa muwasilishaji wa mada ambae ni Meneja Mkuu wa ZECO, Hassan Ali Mbarouk (hayupo pichani) juu ya ripoti ya utekelezaji wa miradi iliyosimamiwa na nchi hiyo.

Baadhi ya watendaji kutoka Wizara ya AMMN na Shirika la Umeme (ZECO) wakifuatilia mkutano huo

Ujumbe kutoka nchi ya Norway ulitembelea na kuona baadhi ya kazi za ujasiriamali zinazotumia umeme ambapo walitembelea kiwanda cha kupasua na kusafisha mbao kilichopo Mkwajuni Kaskazini Unguja na Chuo cha Mafunzo ya Amali Mkokotoni na kuona jinsi umeme unavyotumika katika shughuli hizo.

Chanzo: Zanzinews