'Wazanzibar msibaguane kwa dini, siasa na ukabila'

NA RAHMA SULEIMAN

27th December 2013

Mbunge wa jimbo la Mtera, Livingstone Lusinde

Mbunge wa jimbo la Mtera, Livingstone Lusinde, amewataka Wazanzibar kuacha kubaguana kwa misingi ya dini, siasa na ukabila.

Akizungumza jana katika mkutano wa hadhara wa CCM katika jimbo la Mpendae, alisema kuna baadhi ya watu visiwani hapa wanahubiri dini kwa misingi ya chuki ili kuwagawa Wazanzibar.

Alisema si vyema kubaguana kwa ajili misingi ya dini, siasa wala ukabila na badala yake kuhubiri amani na usalama wa nchi.
Aliwataka wanasiasa wanapokaa majukwaani kuacha kuwakashifu viongozi wa nchi kwani mafanikio yaliyopatikana hapa nchini yanatokana na viongozi wa nchi hiyo.

Sambamba na hayo aliwataka wanachama wa chama cha mapinduzi kuzidi kushiriana ili kuweza kukiletea ushindi chama hicho ifikapo mwaka 2015 katika uchaguzi mkuu.

Mwakilishi na Mbunge wa jimbo hilo, Muhammed Said na Salum Turkey walisema watahakikisha wanatekeleza ilani ya Chama Cha Mapinduzi ili kuweza kuliletea maendeleo jimbo hilo.

Walisema kwa kipindi cha miaka mitatu wameshatumia zaidi ya milioni 50 kwa kutekeleza miradi mbalimbali ya maendeleo katika jimbo hilo. 

CHANZO: NIPASHE