Maadhimisho Ya Uhuru Wa Zanzibar Yafana London

Written by Elbattawi  //  14/12/2014  //  

Na Rashid Seif – mzalendo.net

WAZANZIBARI WANAOISHI nchini Uingereza, jana walifanya maadhimisho ya miaka 51 ya Uhuru wa Zanzibar, ambao ulipatikana tarehe 10 Desemba 1963.

Uhuru wa Zanzibar, ambao ulipatikana mwezi mmoja kabla ya Mapinduzi ya Zanzibar ambayo huchukuliwa kuwa ya kishujaa na sehemu ya kujivunia katika historia ya kujitawala ya visiwa vya Unguja na Pemba.

Hata hivyo, baadhi ya wananchi wanaoishi ndani ya Zanzibar, hawajatafakari wala hawajawahi kudai kwenye taasisi za serikali ya mapinduzi kuadhimisha siku hiyo adhimu.

Pia, hata wawakilishi wao hawajawahi kufikiria kupeleka mswada kwenye Baraza la Wawakilishi, ili kufanya maadhimisho ya siku hiyo. Matukio yote makubwa yanahitaji kukumbukwa kwa muktada wa historia…hata kama yanachukiza.
Kuificha siku ya uhuru wa Zanzibar, ni kuipotosha historia ya kweli na kunatoa taswira ya woga. Pia, kunaleta athari ya kukosa ukweli wa historia ya nchi kwa vijana waliyozaliwa baada ya uhuru huo. Historia daima itabaki kuwa historia.

Hapa ni sawa na mtu aliyesafiri kutoka Tabora hadi Marekani, kwenda kutembea lakini katika maisha yake yote hakuwahi kutoka nje ya mkoa wa Tabora, ni vichekesho.

Miaka 51 tangu kutolewa uhuru wa Zanzibar, ni umri unaoweza kumfanya mtu kuwa na wajukuu ambao wanahitaji kujua kabla ya Mapinduzi ya Zanzibar ya Januari 12, 1964 hapo nyuma yake kulitokea nini?.

Wiki iliyopita tulisheherekea siku ya Uhuru wa Tanganyika, ama ‘Tanzania Bara’ kama wanavyotaka CCM, na siku hii huonwa kuwa ya kitaifa na hata maadhimisho yake ni ya kitaifa. Hapa nauliza:

Kama uhuru uliyotolewa na Muingereza kwa raia kuna haramu gani kufanyiwa kumbukumbu na maadhimisho na ni kwanini Tanganyika, wanafanya maadhimisho kila mwaka…tena kwa jina la Tanzania; Je, ni sahihi au ni upotoshaji?.

Katika nyaraka nyingi, za siku ya Uhuru wa Tanganyika zimepewa nembo tu, na hata wakati fulani katika skuli za Tanganyika, wanafundishwa kuwa Tanzania ilipata uhuru Desemba tisa. Wala si Tanganyika. Hii ni kwa sababu upande wa Zanzibar, wameiua siku ya uhuru wake.

Siku ya Uhuru wa Zanzibar imetekwa, ama imepotezwa na nafasi yake kuchukuliwa na siku ya uhuru wa Tanganyika wala siyo kweli kuwa nafasi yake imechukuliwa na Mapinduzi ya Januari 12.

Zaidi ya hayo, bado siku ya Mapinduzi huonekanwa kuwa siku ya Wazanzibari zaidi, na si ya kitaifa kama ilivyo siku ya Uhuru wa Tanganyika. Tanganyika kwa makusudi wanapotoshwa na Zanzibar, wanapotoshwa zaidi. Hatujui kuwa inafanyika hivyo kwa bahati mbaya kutokujua au kwa makusudi.

Kwanini siku hii ya Uhuru wa Zanzibar imepuuzwa, hata baadhi ya machapisho hayaitambui kama siku ya kukumbukwa na sijui kama hata kule Idara ya nyaraka za serikali (Zanzibar Archives) kama kuna nyaraka za asili za kukabidhia uhuru wa Zanzibar.

Waliyodai uhuru wa Zanzibar na waliyokabidhiwa uhuru huo picha zao zipo na wote ni wanzaniabri vindakindaki waliyokuwa na uchungu na nchi yao kuliko hali ilivyo sasa.

Siku moja mwanzoni mwa miaka 1980, nilimuuliza kiongozi mmoja wa ZPPP, Omar Hamad Mkamandume (marehmu) kutoka Ole, Pemba kuwa: “Bila ya uhuru wa Zanzibar wa Desemba 10, 1963 mapinduzi yengewezekana?.

Alinijibu kama kwa utani: “Said Washoto…Yussuf Himid…Kaujore na Said Bavuai…Bila ya kupata uhuru wetu ‘Kamati ya watu 14′ isingeweza hata kuchungulia Bomani…wacha kuingia na kupindua…chini ya himaya ya Muingereza”

Hata hivyo, hatua inayochukuliwa na wazanzibari wanaoishi nje waliyoko mataifa mbali mbali ya nchi za Ulaya, Marekani na Uarabuni inastahiki kupongezwa kwa sauti na ya wazi bila woga. Wanachokiadhimisha ni haki yao, ni kitu cha kweli ni historia inayojuilikana kote Duniani.

Jana Jumamosi, Desemba 13, kupitia Jumuiya za Wazanzibari zilizopo Uingereza, Wazanzibari kutoka kona zote za nchi hiyo walijumuika pamoja kuadhimisha miaka 51 ya uhuru wa Zanzibar, kwenye Mkahawa wa Global Buffet, Wilson Way, Ilford mji London.

Vijana wadogo wanaozaliwa kwenye mataifa hayo ambao wazee wao wanatoka Zanzibar, wana uelewa mkubwa wa historia sahihi ya Zanzibar, kabla ya uhuru, baada ya uhuru na Mapinduzi ya Januari 12, 1964. Na nifaraja kubwa kwao.

Serikali ya Zanzibar, kupitia wizara yake ya elimu inalazimika kuanza mchakato wa kufundisha somo sahihi la historia ya Zanzibar na kuachana na upotoshaji kwa sababu za woga na chuki zilizopitwa na wakati.

Maoni 8 katika "Maadhimisho Ya Uhuru Wa Zanzibar Yafana London" kutoka Mzalendo.net

1. mreno 14/12/2014 kwa 9:28 mu · Log in to Reply

   Amma kweli waznz tumechanganyikiwa nataka kuuliza sisi wazanzibar lini tukasherekea uhuru wakat uhuru wetu uliishia mwaka 1963 chini ya mfalme halisia wa zanzibar .nyie andikeni kwenye magazet kuwa SHEREHE ZA KUANGUSHWA KWA DOLA YA KIISLAM EAST AFRIKA. Amkeni mujue nini munafannya..watanganyika washawameza hamna ch uhuru wala mikojo. Au munasherekea kuuwawa kwa waislam zanzibar .?
2. jazba 14/12/2014 kwa 9:29 mu · Log in to Reply

   Sisi wazanzibari tumelala usingizi wa maisha, wasomi na wasiokuwa na elimu, viongozi na wananchi wa kawaida, wakubwa kwa wadogo tuna zindiko ndani ya akili na tunashindwa kujitambua kabisa, inatia imani sana kiona umati wote na viongozi wetu wote kuwa tunaambiwa mambo yepi tufikiri na yepi hayana maana.

   maana yangu hapa ni kuwa mpaka leo tunawacha kusherehekea siku ya uhuru tunasherehekea mapinduzi(mavamizi),kama tunafamu na tunajitanbua maana ya kusherehekea uhuru ni kuwa na nchi, leo tumebanwa mpaka tunadharau siku yetu ya uhuru na kushurutishwa ili tuache kusherekea uhuru wa nchi ya zanzibar.
   maana ya kusherehekea uhuru ni utambulisho wa kuwa nchi bado ipo huru na hapa kwa muungano na katiba ambazo tunazo kufanya hivyo ni kuvunja muungano au kusherehekea uhuru wa waarabu, huo ndio ujinga tunaokubali vichwani mwetu.

   lini tutaweza kuona mbali na kujitambua kwanini tusiipongeze zanzibar kwa siku yake ya uhuru waliopewa kutoka uingereza, kama wanavyofanya kenya, tanganyika na nchi nyengine za africa.
   kama ni mapinduzi ni kioja haya mapinduzi yashatokea nchi tele za africa watu hawafuti siku zao za uhuru na kusherehekea mapinduzi. Na zanzibar haikupata uhuru kutoka kwa warabu ilipata uhuru kutoka kwa waengereza hebu tuwe na fahamu jamani

   NARUDIA TENA ZANZIBAR SI NCHI PEKEE ILIYOFANYA MAPINDUZI KUONDOA UTAWALA WA KIDICTATOR HAPA AFRICA, NA NCHI ZOTE HAZIBADILI SIKU ZAO ZA UHURU KAMA UTAMBULISHO WAO,
   IKIWA MAPINDUZI NDIO YALOTUFANYA TUITUPE SIKU YETU YA UHURU TUJUE KUWA HILO NI CHANGA LA MACHO TUNAJIRUSHIA WENYEWE, NA MAANA YAKE NDIO HII TUNAYOIONA HATUNA UHURU HADI LEO, NCHI ZENYE UHURU HUSHEREHEKEA SIKU YAO YA UHURU.
3. moses 14/12/2014 kwa 12:16 um · Log in to Reply

   hahahaaaa, siku ya uhuru ya zanzibar. Ukichekecha akili haswa utagunduwa kuwa siku ya uhuru ndio haswa ya kusherehekea, hayo mapinduzi ni matokeo tu, kwani nchi ngapi zimepinduana na husikii kuwa wanasherehekea siku ya mapinduzi, wanabaki na siku yao ya uhuru tu. hayo mapinduzi ni matokeo tu wa ulafi wa madaraka tu, ndio maana hadi leo hawataki achilia, kwani ulafi mtu huwa haumuondoki.

   Na kwa kuendelea kuazimisha mapinduzi, TUOTE zanzibar kuendelea, tutazidi kurudi chini tu, kwani ardhi ya Zanzibar inanuka damu ya waislam. na sisi ndio bado tunayafurahia tu.
4. Abdul Zakinthos 14/12/2014 kwa 12:57 um · Log in to Reply

   hamna mzanzibari alolala kila mtu anaelewea ila Kuna woga tu hakuna asojua ukweli
5. mmatemwe 14/12/2014 kwa 3:38 um · Log in to Reply

   Sasa vijana nini kifanyike kuondoa woga?
6. rasmi 14/12/2014 kwa 4:00 um · Log in to Reply

   -Ninavyofahamu Sultani wa Zanzibar alikuwa chini ya himaya ya Uingereza (British protectorate) kabla ya uhuru huu wa 1963.

   -Serikali iyoundwa baada ya uhuru wa 1963 ilikuwa ni ya Ufalme wa kikatiba (constitutional monarchy), na ndio maana ilimalizikia na kua tu na Waziri mkuu kuwa mkuu wa nchi – mfalme anabaki kuwa kichwa cha nchi kama ilivyo United Kingdom. Kwa tafsiri hapo ni kwamba Muingereza alimrejeshea utawala Sultani baada ya kuwa himaya yake, sio uhuru.

   -Ukiangalia video hii ya kuingia Zanzibar UN utalifahamu hilo,soma maandishi vizuri, video ipo hapa:

   https://www.youtube.com/watch?v=upMMRXU3Of0

   -Pia sikubaliani na mapinduzi ya 1964 kuwa ndio uhuru wa Zanzibar, hii ni siku nyeusi kwa Zanzibar na kizazi chake kwa yaliyotendeka katika visiwa hivi.

   Je Wazanzibari walichagua utawala wa ufalme wa kikatiba (constitutional monarchy) baada ya huu uhuru? Ama walitegemea Jamhuri ya watu wa Zanzibar ( People Republic of Zanzibar) baada ya tulioletewa ambayo ni Sultanate of Zanzibar?

   Ni maoni yangu kwamba Zanzibar haijawahi kuwa huru kujiamulia inachotaka, kaondoshwa Sultani mmoja (mzawa) tukaletewa Sultani mwengine (mgeni), na hili ndilo linalotutafuna kutafuta mamlaka kamili i.e full sovereignty. Mpaka tutapoyapata hayo mamlaka kamili Zanzibar inabaki kuwa ni mtawaliwa wa utawala mmoja kuenda mwengine.

   Nimalizie kwa kusema kwamba hakuna ubaya wowote katika mfumo wa utawala iwapo watawaliwa wameridhika na kuchagua mfumo huo.
7. jazba 14/12/2014 kwa 4:34 um · Log in to Reply

   Mimi ushauri wangu wa kwanza ni kuwa tuweke mada hii tena na tena hapa wale walio na rukhsa za ku-post hapa ili tuweze kuwashauri wazanzibari wengi zaidi wanaopitia mdandao huu, ili tupate muafaka wa jambo gani lifanyike kuirudisha siku ga uhuru zanzibar Dec 10 1963 kama siku rasmi ya taifa la zanzibar, na wanaotaka kusherehekea mapinduzi wanaweza kufanya kichama au hata kiserikali wakitaka lakini siku ya uhuru iwe ya pamoja kitaifa

   Na jengine ni kwa kuanzia ni kuwaandikia barua au aina zozote za kuwapelekea ujumbe wajumbe wa blw japo hao wa cuf tu manake wa ccm ukitaja kuipenda znz ni dhambi kwao, ili tuanzishe mjadala rasmi katika blw kuwa kuna dhambi gani iliyotufanya tukaikana na kuidharau siku ya uhuru wa nchi hii, kwa sababu mapinduzi sio sababu ya kufuta siku ya uhuru rasmi.
   Jambo hili la kusherehekea siku ya uhuru ukilitazama kirahisi unaweza kuona ni jambo la kawaida tu lakini lina impact kubwa sana katika kuitambulisha nchi.

   tukiangalia upande wa pili tanganyika sio nchi isemekanavyo lakini kila mwaka wanasherekea siku ya uhuru wa tanganyika, sisi zanzibar tunaadhimisha na kusherekea mapinduzi, hivi sisi tunajielewa kweli,
   na kama katiba ya tz inasema nchi hizi sio huru tena baada ya muungano mbona tanganyika bado inasherehekea siku ya uhuru, kama mabadilko ya kisiasa ya nchi yanafuta siku zao za uhuru na tanganyika wangelisherehekea muungano tu

   wenzetu wana ccm ukitaja kuipenda zanzibar wewe ni dhambi na unakuwa mpinzani, hawa watu wakoje, tafsiri ya kuipenda znz ni kuilinda na kuiwekea heshma yake nje na ndani ya huo muungano ikibidi.
8. MAWENI 14/12/2014 kwa 5:16 um · Log in to Reply

   Unyerere umewajaa vitimba kwiri wa Zanzibar. Ati wanasema wako uhru. Na kila wanacho kitaka kufanya kwa nchi yao lazima wakaombe kwa mabwana Watanganyika.
   Hivi sasa hawna ruhusa hata kuita Zanzibar nchi.
   Nchi au dola ilo huru ni ile ilo na uwamuzi wa mambo yake ya ndani na nje bila kingiliwa na mtu au dola. Tenna inayo Tanbuliwa na madola yote ulimwenguni kuwa hii ni dola yenye mamlaka kamili kama nchi yoyote ile ulimwenguni.
   1963 ilikuwa Zanzibar independance na kukubalika ulimwenguni kote kuwa ni dola huru.
   12.1. 1964 ilikuwa uvamizi wa dola ya Zanzibar kutoka Tanganyika ukiongozwa na Nyerere. Kwa kutumwa na mabawana zake. Lengo ni kuuwa dola ya Zanzibar na kukandamiza uislamu.Ndio huwo mungano baadae ulofanywa karaka kulinda uvamizi. ( mapinduzi Daima) . Wakikubali kutaja kusherehekeya Uhuru wa Zanztibar ni kukubali kuwepo dola ya Zanzibar na hilo wanafunzi wa Unyerere wameusiwa wasi thubutu. Kudai kurejea dola ya Zanzibar kumepoteza maisha ya wengi. Mpaka wana wa ASP waasisi baada ya kugunduwa lengo halisi la mapinduzi (uvamizi) na huu unaoitwa muungano.NDIO MANA MA SHEIKH WAKO DANI.
   ZANZIBAR NI KOLONI LA TANGANYIKA.
   HAKUNA LENYE MWANZO LISILO NA MWISHO.
   DHULMA HAIDUMU HATA IKIWAJE.