DR. SHEIN AZINDUA MNARA WA MIAKA 50 YA MAPINDUZI YA ZANZIBAR

Haiba ya Mnara wa Kumbukumbu ya Miaka Hamsini ya Mapinduzi Matukufu ya Zanzibar ya Mwaka 1964 inavyoonekana baada ya kumalizika kujengwa hapo katika Majumba ya Maendeleo Michenzani Mjini Zanzibar.

 Mnara wa Kumbukumbu ya Miaka 50 ya Mapinduzi ya Zanzibar wazinduliwa rasmin na Rais wa Zanzibar na Mwenyekiti wa Baraza la Mapinduzi Dk Shein, kama unavyoonekana pichani wakati wa usiku ukipendeza na kupendezesha mandhari ya michezani Zenj.

Rais wa Zanzibar na Mwenyekiti wa Baraza la Mapinduzi Dk Ali Mohamed Shein, akiwasalimia Wananchi waliohudhuria hafla ya uzinduzi wa Mnara wa Kumbukumbu ya Miako 50 ya Mapinduzi ya Zanzibar kulia Makamu wa Pili wa Rais wa Zanzibar Balozi Seif Ali Iddi na kushoto Waziri wa Fedha Zanzibar Mhe Omar Yussuf Mzee.

Rais wa Zanzibar na Mwenyekiti wa Baraza la Mapinduzi Dr. Ali Mohammed Shein akikata utepe kuashirika kuufungua Rasmi Mnara wa Kumbu kumbu ya Miaka 50 ya Mapinduzi Matukufu ya Zanzibar ya Mwaka 1964 hapo Michenzani Mjini Zanzibar.

Mshauri wa Ujenzi wa Mnara wa wa Kumbu kumbu ya Miaka 50 ya Mapinduzi Matukufu ya Zanzibar Mhandisi Abdul Aziz akimpatia maelezo Rais wa Zanzibar Dr. Shein wakati akiukagua Mnara huo baada ya kuuzindua rasmi.

Rais wa Zanzibar Dr. Ali Mohammed Shein akiangalia mandhari ya Mji wa Zanzibar katika chombo maalum { Darubini } wakati alipotembelea sehemu mbali mbali za Mnara wa Kumbukumbu ya Miaka 50 ya Mapinduzi ya Zanzibar Michenzani baada ya Kuuzindua rasmi.

Rais wa Zanzibar na Mwenyekiti wa Baraza la Mapinduzi Dk Ali Mohamed Shein, akisalimiana na viongozi wa Serikali wakati akiwasili katika viwanja vya michezani kisonge kwa ajili ya uzinduzi wa Mnara wa Kumbukumbu ya Miaka 50 ya Mapinduzi ya Zanzibar.

Rais wa Zanzibar na Mwenyekiti wa Baraza la Mapinduzi Dk Ali Mohamed Shein, akiwa na Waziri wa Fedha Zanzibar Mhe Omar Yussuf Mzee, wakiwa katika viwanja vya kisonge kwa ajili ua hafla ya uzinduzi wa Mnara huo. 

Rais wa Zanzibar na Mwenyekiti wa Baraza la Mapinduzi Dk Ali Mohamed Shein, akimsikiliza Mshauri Elekezi wa Ujenzi wa Mnara huo Ndg Habib Nur akitowa maelezo ya ujenzi wa Mnara huo na majengo ya biashara yanayotaka kujengwa upande wa pili wa makontena michezani ikiwa ni mradi wa ZSSF.

Rais wa Zanzibar na Mwenyekiti wa Baraza la Mapinduzi Dk Ali Mohamed Shein, akimsikiliza Mkurugenzi Muendeshaji wa Mfuko wa Hifadhi ya Jamii Zanzibar Ndg Abdulwakil Haji Hafidhi , akitowa maelezo ya ujenzi wa majengo ya maduka katika eneo la michezani makontena ukiwa ni Mradi wa ZSSF katika uwekezaji wa miradi mbalimbali Zanzibar. 

Rais wa Zanzibar na Mwenyekiti wa Baraza la Mapinduzi Dk Ali Mohamed Shein, akiondoa kipazia kuashiria kuuzindua Mnara wa Kumbukumbu ya Miaka 50 ya Mapinduzi ya Zanzibar wakati wa ufunguzi huo uliofanyika katika viwanja vya kisonge michezani Zanzibar.

Rais wa Zanzibar na Mwenyekiti wa Baraza la Mapinduzi Dk Ali Mohamed Shein, akikata utepe kuashiria kuuzindua Mnara wa Kumbukumbu ya Miaka 50 ya Mapinduzi ya Zanzibar. 

Rais wa Zanzibar na Mwenyekiti wa Baraza la Mapinduzi Dk Ali Mohamed Shein, akimsikiliza mshauri wa maonesho ya chumba cha kumbukumbu cha maonesho ya katika Mnara huo Ndg Said El-Gheithy, ambaye ni mtaalamu wa mambo ya makumbusho Zanzibar. akitowa maelezo ya mti wa mkarafuu ulioko katika chumba hicho hauko pichani. 

Mtaalamu wa matayarisho ya moanesho katika ufunguzi wa Mnara wa Kumbukumbu Ndg Said El-Gheithy, akitowa maelezo kwa Rais wa Zanzibar Dk Ali Mohamed Shein, mchezo aliokuwa akiupenda Mzee Karume wa zuna, ni moja ya vitu vya kumbukumbu katika chumba cha maonesho ya kumbukumbu ya Mapinduzi ya Zanzibar.  

Rais wa Zanzibar na Mwenyekiti wa Baraza la Mapinduzi Dk Ali Mohamed Shein, akipata maelezo ya baskeli ambayo ametumia Mzee Karuma katika kupigania mapinduzi ya Zanzibar ikiwa katika chumba cha maonesho ya kumbukumbu ya Mapinduzi ya Zanzibar.

Rais wa Zanzibar nac Mwenyekiti wa Baraza la Mapinduzi Dk Ali Mohamed Shein, akipata maelezo ya Kanga mbalimbali zilizotimika katika harakati ya Mapinduzi ya Zanzibar kupelea ujumbe kwa wananchi.

Rais wa Zanzibar na Mwenyekiti wa Baraza la Mapinduzi Dk. Ali Mohamed Shein, akimsikiliza Afisa Habari na Uhusiano wa Mfuko wa Hifadhi ya Jamii Zanzibar Ndg Mussa Yussuf akiwa katika chumba maalum kwa ajili ya kuoneshea picha za kumbukumbu ya Mapinduzi ya Zanzibar.

Rais wa Zanzibar na Mwenyekiti wa Baraza la Mapinduzi Dk Ali Mohamed Shein, Makamu wa Pili wa Rais wa Zanzibar Balozi Seif Ali Iddi Mama Mwanamwema Shein, na Mke wa Makamu wa Pili wa Rais wa Zanzibar Mama Asha Balozi Seif wakimsikiliza Mshauri Elekezi wa Ujenzi wa Mnara huo Ndg Habib Nur akitowa maelezo ya Mnara huo wakiwa sehemu ya juu ya Mnara ambayo itakuwa na mgahawa wa aina yake wa kuzunguka mnara huo 

Rais wa Zanzibar na Mwenyekiti wa Baraza la Mapinduzi Dk Ali Mohamed Shein, akipata maelezo ya Darubini maalumu ya kuvuta masafa marefu ikiwa juu ya mnara huo kutoka kwa Mshauri Elekezi wa Ujenzi kutoka Kampuni ya Habconsult Tanzania Ndg Habab Nur.

Rais wa Zanzibar na Mwenyekiti wa Baraza la Mapinduzi Dk Ali Mohamed Shein, akiwa juu ya Mnara huo, akiangalia maeneo ya mandhari ya Zanzibar kwa kutumia darubini maalum ilioyoko juu ya Mnara huo kwa ajili ya Wananchi na Wageni wanaotembelea Mnara huo wa Kumbukumbu ya Miaka 50 ya Mapinduzi ya Zanzibar. 

Mke wa Rais wa Zanzibar na Mwenyekiti wa Baraza la Mapinduzi Mama Mwanamwema Shein, na Mke wa Makamu wa Pili wa Rais wa Zanzibar Mama Asha Balozi Seif wakiwa katika viwanja vya michezani wakitoka kutembelea Mnara huo baada ya ufunguzi wake uliofanywa na Rais wa Zanzibar Dk Shein.

Mandhari ya Bustani ya Michenzani iliyomo ndani ya eneo la Mnara linavyoonekana kwa juu ya Mnara wa Kumbu kumbu ya Miaka 50 ya Mapinduzi ya Zanzibar.

  Picha na –OMPR – ZNZ.
Rais wa Zanzibar na Mwenyekiti wa Baraza la Mapinduzi Dr. Ali Mohammed Shein amewatahadharisha watu wanaoogopa mabadiliko ya Maendeleo kwamba waachane na tabia hiyo vyenginevyo Dunia bila ya shaka na ajizi itawabadilisha.

Alisema Wazanzibari wanapaswa kwenda na wakati katika kuendesha pamoja na kusimamia masuala yao ili waende sambamba na wananchi wa visiwa vyengine Duniani wanaoonekana kupiga hatua za haraka za Maendelei ya Kiuchuni na Ustawi wa Jamii.
Dr. Ali Mohammed Shein alieleza hayo wakati akizungumza na Watu wa rika mbali mbali ambao wengi wao ni vjana na Watoto mara baada ya kuuzindua Mnara wa Miaka 50 ya Mapinduzi Matukjufu ya Zanzibar ya Mwaka 1964 uliojengwa katika Majumbe ya Maendeleo Michenzaji Kati Kati ya Mji wa Zanzibar.

Alisema wapo watu wakiwemo baadhi ya watendaji wa Taasisi za Umma wenye madaraka ya kutoa maamuzi ambao wana tabia ya kuogopa Mabadiliko kwa kuchelewesha kuidhinisha miradi ya Kiuchumi inayokusudiwa kuwanzishwa na wawekezaji walioamua kuwekeza hapa Zanzibar.

Rais wa Zanzibar alikemea kwamba tabia hiyo mbaya isiyo na sababu za kimsingi imekuwa ikichelewesha na kuviza Maendeleo ya Wananchi na kupunguza Mapato ya Taifa kupitia uanzishwaji wa miradi hiyo wakati Serikal tayri imeshaweka milango wazi kwa wawekezaji wa ndani na nje ya Nchi.

Aliupongeza Uongozi wa Mfuko wa Hifadhi ya Jamii Zanzibar chini ya usimamizi wa Bodi ya Wadhamini wa Mfuko huo kwa juhudi iliyochukuwa ya kujenga mnara huo wenye urefu wa Mita 33.5 ambao utatoa fursda kwa wananchi na wageni kuona mamdhari nzuri ya Mji wa Zanzibar sambamba na kupata huduma za msingi.

Alisema chimbuko la Mnara huo lililoibuliwa na Baraza la Mapinduzi Zanzibar wakati wa maadhimisho ya sherehe za Miaka 50 ya Mapinduzi ya Zanzibar lilikuwa na lengo la kuonyesha vugu vugu la Maendelei ya Zanzibar tokea kufanyika kwa Mapinduzi ya Zanzibar ya Tarehe 12 Januari Mwaka 1964.

Mapema Mkurugenzi Mtendaji wa Mfuko wa Hifadhi ya Jamii Zanzibar {ZSSF } Nd. Abdulwakil Haji Hafidh alisema ujenzi wa Mnara huo mbali ya kutoa fursa kwa wananachi na wageni kuangalia mamdhari ya Mji wa Zanzibar lakini pia utatoa nafasi kwa wazazi kupata mapumziko huku wakiwasubiri watoto wao wanaowapeleka katika Viwanja vya Kufurahishia Watoto Kariakoo.

Alisema tahadhari hiyo imechukuliwa maalum kwa kuzingatia kwamba Mji wa Zanzibar bado haujawa na maeneo mengi ya kupumzikia kiasi cha kuongezwa maeneo hayo ili kukidhi mahitaji kwa siku zinazotokea kuwa na idadi kubwa ya watu hasa siku za siku kuu ambazo watu wengi huamua kutembelea viwanja hivyo.

Mkurugenzi huyo wa Mfuko wa Hifadhi ya Jamii Zanzibar { ZSSF } alifahamisha kwamba mnara huo utakuwa na sehemu maalum zitakazowekwa kwa ajili ya watu na wageni kujifunza Historia ya Mapinduzi ya Zanzibar, sehemu za kujifunza wachezaji wa michezo mbali mbali maarufu duniani, kuangalia mandhari ya Mji wa Zanzibar pamoja na Mkahawa unaozunguuka.

Alisema taasisi za Fedha kama Benki ya Wananachi wa Zanzibar PBZ, na Ile na NMB zitatoa huduma za fedha kwa kutumia mtandao wa ATM ili kuwaondoshea usumbufu wateja wao wakati wanapoishiwa na Matumizi.

Nd. Abdulwakili alieleza kwamba katika kulibadilisha eneo hilo la Michenzaji Mfuko huo umeshaandaa mpango wa kujenga majengo la Kimataifa ya Kibiashara { SHOOPING MALLS } upande wa Kaskazini kwa kutafuta washikika wa Maendeleo watakaoshirikiana katika kujenga majengo hayo.

Mnara huo wa Kumbukumbu ya Miaka 50 ya Mapinduzi ya Zanzibar wenye ghorofa 9 uliojengwa kwa gharama ya Shilingi za Kitanzania Bilioni Nane unatarajiwa kurejesha thamani ya Fedha hizo katika kipindi cha miaka 12 ijayo.

Othman Khamis Ame

Ofisi ya Makamu wa Pili wa Rais wa Zanzibar