JUMUIYA YA ZACADIA YAPAKIA VITANDA VYA HOSPITALI, WHEELCHAIRS NA WALKERS KWAAJILI YA ZANZIBAR!

Jumuiya ya Wazanzibari wanaoishi Canada iitwayo ZACADIA (Zanzibar-Canadian Diaspora Association) leo jioni ilianza kupakia vitanda vya hospitali, wheelchairs na walkers kwenye 40 ft trailer ambalo litaelekea kuenda Zanzibar wiki ijayo.

Vitanda vyote vitakuwa 75 na wheelchairs pamoja na walkers ni 25.

Kazi ya kuvipakia vitu hivyo itaendelea kesho Jumapili.

Alipoulizwa Secretary wa Jumuiya hio bi Arafa Mustafa, hospitali gani vinapelekwa vitu hivyo, yeye alijibu kuwa vitu vyote vitapelekwa Wizara ya Afya na wao wenyewe ndio watakaoamua kuvipeleka kwa hospitali tafauti katika Visiwa vya Zanzibar.

Hii sio mara ya kwanza kwa Zacadia kupeleka vitu vya hospitali Zanzibar (http://zanzibarnikwetu.blogspot.com/2020/03/daily-news-diaspora-donate-hospital.html). 

Zacadia huwa mara kwa mara inapeleka Zanzibar vitu vya kila aina kwaajili ya matumizi ya hospitalini na mashuleni.

Miaka mitatu nyuma Zacadia ilipeleka Zanzibar vitabu vya science vya kusomea vyenye thamani zaidi ya Shilingi bilioni 2.5

Kazi ya kupakia vitu itaendelea kesho Jumapili kwenye Yard ya pale 185 Bethridge Road, Etobicoke, Toronto na Wana-Zacadia wote wanakaribishwa kuendelea kutoa msaada wao.