Diaspora Digital Hub Tarehe 22 Mei, 2023!

 

Diaspora Digital Hub  Tarehe 22 Mei, 2023 Saa Nne Kamili Asubuhi Serikali kupitia Waziri wa Mambo ya Nje na Ushirikiano wa Afrika Mashariki, itazindua Mfumo wa Kuwasajili Kidigitali Diaspora wote wenye asili ya Tanzania.  Kama sote tunavyofahamu, nchi  nyingi duniani zimekuwa na utaratibu wa kuwahesabu na kuwasajiri kidigitali Diaspora wao, ili kuziwezesha Serikali kuandaa na kutekeleza mikakati mbalimbali muhimu kwa mustakabali wa Diaspora wao na maendeleo ya nchi.  Kumbe, ni vema na sisi Diaspora wa Tanzania tujitokeze kwa wingi kujisajili Mfumo utakapozinduliwa.  Naipongeza Serikali ya Awamu ya Sita na Wizara ya Mambo ya Nje kwa kuchukua hatua hii ya kutusajili kidigitali badala ya ule utaratibu wa zamani wa kujiandikisha kwenye Madaftari Ubalozini.