Top Leaderboard Advert

Mwanakwerekwe shops ad

ZSSF

ZanzibarNiKwetuStoreBanner

Zanzibar Diaspora

High class shops @ Fuoni

High class shops @ Fuoni

Scrolling news

************ KARIBUNI..................Contact us for any breaking news or for any information at: znzkwetu@gmail.com. You can also fax us at: 1.801.289.7713......................KARIBUNI

Adsense Marquee

Saturday, April 9, 2016

HUMOUR: HEKAYA ZA MLEVI WA CANADA - Mlevi ataka itungwe sheria kunyonga mafisadi


BAADA ya wale ambao hukuwatarajia kutumbuliwa tena mchana kweupee na wengine kuhamia lupango, Mlevi nina mpango wa ima fa ima wa kwenda mjengoni au kwa Dokta Joni Kanywaji Makufuli kuwachomea utambi ili itunge sheria kali dhidi ya wanaoiba mabilioni.




Nitapendekeza wanyotolewe roho hadi kudedi kabisaa.

Hapa sitasikia stori za haki za binadamu. Kwani washenzi hawa wameua wangapi kwa ukapa wa kutengenezwa? Hivi kweli hawa nao wanahitaji kufaidi haki za bindamu wakati matendo yao si ya kibinadamu?

Leo mnawapeleka lupango wakiwa na kila kitu ili iweje? Hawa hawastahili kufungwa bali kunyotolewa roho kabisa.

Tunawafunga kwa faida ipi huku wakilala white house na kula bure baada ya kutembeza ‘nchiko’? Kwani hatujui kuwa wanene wakifungwa wanaishi kama vile wako uraiani? Muulize yule jambazi wa benki.

Nilipokuwa uchina kwa rafiki yangu Kil ua Them nilishuhudia vigogo wengi wakitwangwa shaba bila huruma na hakuna aliyesikiliza upuuzi unaoitwa haki za binadamu.

Anayefanya unyama kama uhujumu anakoma kuwa binadamu. Hivyo, hastahili haki za binadamu. Ingekuwa inawezekana ningependekeza wote waliokwisha kufikishwa kwa Pilato achukue maji anawe mikono yake na kuwaambia,”Damu yenu sidaiwi ila msulubiwe na iwe hivyo.”

Majizi yote yaliyohujumu kaya kutokana na kuwa wake, wakwe, watoto, marafiki au mashemeji wa wakubwa lazima yanyongwe. Kama siyo kulindana na kuogopana chini ya dhana ya kuanza upya, hata haya MaWAMA, ma-Fursa Sawa kwa Walaji yalipaswa kufumuliwa na majambazi yaliyoko nyuma yake yakanyongwa au kufungwa maisha bila kumuangalia nyani usoni.

Kwani hatuyajui wala kuyaona majambazi ya kiume na kike yaliyofilisi kaya yetu kutokana na kuwa na uhusiano na wanene? Nani hajui kuwa bi wakubwa wawili waliotangulia walikwapua kwa kutumia vishirika uchwara na vya kiwizi? Bring them to book Dr Mugful please before I commit suicide.

Ni vitegemezi vingapi vya wanene vimepewa vyeo si kwa sababu vina sifa za ziada zaidi ya majina ya madingi wao? Ni vindugu vingapi vya wanene sasa ni vihishimiwa hata vimilionea vya wizi kwa vile ni vijamaa vya wazito? Kwani hatuvijui wala havijijui? Nilipokuwa Uchina nilimshuhudia mnyongaji aitwaye Fire nyong Yote akiwanyotoa roho mafisadi wanene wanene wa kichinaizi bila kujali vyeo au majina yao au ya madingi wao.

Mna habari kuwa hata bi mkubwa wa Mkiti Mao Zedong wa China aliwahi kuhukumiwa kifo baada ya kugundulika kuwa alitumia madaraka ya mwenyekiti Mao vibaya? Sasa kama bi Mao mzima anahukumiwa kunyotolewa roho, hawa wetu vilala hoi ni nani?

Leo hii mijizi kadhaa iliyoburuzwa mahakamani ingekuwa imeshaoza kama ingekuwa uchainizi.

Kule wasingejali kuwa mengine ni ‘makwe’ ya wanene au mashoga wa wake wa kigogo au mashemeji wa muishiwa. Hata yale majambazi manene ya EPA, Kagoda, Kiwira na mikashfa mingine bila kusahau Escrew yangekwisha nyongwa na kuzikwa kwenye makaburi yasiyo na alama kama Gaddafi wa Libya.

Unacheza na wachainizi nini? Hata hawa wahalifu wa kichainizi wanaotorosha vipusa vyetu ingekuwa kwao wasingefungwa zaidi ya kunyongwa ili kutoa somo kwa wanaodhani Uchaina si shamba la bibi au kichwa cha chizi kujifunzia kunyoa.

Wala Uchainizi siyo the land of Vasco da Gama au No-Man’s land ya akina Ben Tunituni Dugong Makapi na wenzake walioleta wachukuaji wakawapa jina zuri la wawekaji wakati walikuwa wanaweka wanachukua waa.

Tuache utani. Naandika waraka huu kwa wahishimiwa kuwa watunge sheria ya kunyonga mafisadi hata kama mafisadi hao ni wenzao wanaodai uchache kwa makampuni ili kupitisha mazabe na madudu yao. Akina Riki wananipata bila shaka hapa.

Kama waishiwa watakaidi agizo langu basi nitawahamasisha walevi wavamie mjengo na michupa yao na ulabu watembeze kichapo au mchapo wewe! Shika adabu yako! Hayo tuyaache. Nitawahamasisha walevi wavamie mjengo bila vivazi kuwamwagia radhi watakaokataa kupitisha sheria ya kuwanyonga wabaya wao.

Najua wapo waishiwa watakaoogopa kupitisha sheria hii kwa kuogopa wenzao au wao kunyotolewa roho. Hivi miishiwa inayoomba mshiko kwenye sirikali za wilaya si ya kunyotolewa roho hii? Lione lile linasoma na kunisonya wakati limenenepeshwa na njuluku za rushwa. Kwani hatuyajui maishiwa yanayokwenda mjengoni kuwakilisha mitumbo ya kwa kisingizio cha kuwakilisha walevi?

Kutokana na ‘maishiwa’ yanayokula rushwa kama yalivyokwisha kuanza kutumbuliwa, Mlevi ana mpango wa kutangaza walificha njuluku nje. Hii ni baada ya wezi wetu na ndugu zao kutoonekana kwenye karatasi zilizovujishwa hivi karibuni kuhusiana na maficho ya njuluku kule Panama.

Hivyo, asije fisadi akakudanganya kuwa yu safi kwa vile jina lake, mkewe, kitegemezi au mramba makalio wake hajatajwa. Wanazo njuluku nje hata hapa hapa Afrika. Ukienda pale Mauritius utagundua utajiri wa kijambazi wa ajabu uliofichwa kule na mafwisadi wetu wanaojifanya kujionyesha kama watu wema wakati wengi wao ni mijambazi ya kutupwa.’ I know them; and one day I’ll name and shame them’. ‘Believe ye me.’

Leo sichongi sana. Ngoja niwahi kwenda kuandaa orodha ya majambazi tena wakubwa wakubwa ambayo ukiisoma hutaamini macho yako.


/NIPASHE

No comments :

Post a Comment