Diamond Platnumz atoa ahadi ya kununua mashine ya Utrasound!

Msanii wa musiki nchini Diamond Platinumz  ameahidi kutoa msaada wa mashine ya Ultrasound pamoja na mashine ya oxygen katika hospitali ya karakana iliyopo chumbuni mkoa wa mjini unguja.

Ahadi hiyo ameitoa mara baada ya kutembelea katika hospitali  hiyo kwa lengo la kuwafariji wagonjwa, kutoa misaada mbali pamoja na kuzungumza na wananchi katika maeneo hayo.

Diamond Platinumz mara baada kutoa msaada huo aliwaambia wananchi katika eneo hilo kuwa ametoa ahadi ikiwa na lengo la kuwasaidia wakina mama ambao ndio walezi wakubwa wa familia.

“Inabidi tuwathamini wakina mama ndio walezi, mimi nina watoto lakini wapo kwa mama zao hiyo haitoshi hadi kufikia hapa nilipo mchango mkubwa wa mama yangu hivyo tunatakiwa kuwathamini wakina mama” alisema Diamond Platinumz.
Mbali na msaada huo alioahidi kutoa D iamond alitoa msaada wa sabuni za Dito lita 10, groves 100 kwa ajili ya kuzalishia wakina mama,sindano,JIKI Lita 24 pamoja na Pamba.

Diamond Plantinumz akiongoza kundi la wasanii kutoka katika lebo ya Wasaf classic wanatarajiwa kufanya show kubwa katika tamasha la wasaf festival katika kiwanja cha amani stadium mjini unguja.