BALOZI SEIF AAHIDI KUCHUKULIWA HATUA WALIOHUSIKA UHALIFU DHIDI YA KIONGOZI WA KANISA.

Written by ibnially  //  28/12/2012  //  Habari  //  No comments

MAKAMU WA PILI WA RAIS BALOZI SEIF ALI IDDI AMEFIKA KATIKA MAKAAZI YA PADRI AMBROSE MKENDAWA PAROKIA YA KANISA KATOLIKI LA MPENDAE ZANZIBAR KWA AJILI YA KUUPA POLE  UONGOZI WA KANISA HILO  PAMOJA NA FAMILIA YAKE KUFUATIA AJALI YA KUPIGWA RISASI NA WATU  WASIOJUULIKANA.

BALOZI SEIF AMESEMA KITENDO HICHO NI KIBAYA NA KIMETOA SURA  MBAYA  KWA TAIFA HIVYO AMEWAAHIDI WANAFAMILIA PAMOJA NA UONGOZI WA KANISA HILO KWAMBA SERIKALI KUPITIA VYOMBO VYAKE VYA ULINZI ITAENDELEA KUFANYA UCHUNGUZI WA TUKIO HILO  NA HAITASITA KUWACHUKULIA HATUA WALE WOTE WATAKAOBAINIKA KUHUSIKA KWA NAMNA MOJA KUFANYA UHALIFU HUO.

AMESEMA SERIKALI IMESIKITISHWA NA KULAANI KITENDO CHA WATU HAO AMBACHO KINAASHIRIA UVUNJIFU WA AMANI NCHINI PAMOJA NA KUWAWEKA WANANCHI  NA WASIWASI USIO WA LAZIMA KATIKA HARAKATI ZAO ZA KIMAISHA.

NAE  KIONGOZI WA KANISA LA CATHOLIC FATHER SHAYO  AKIZUNGUMZA KWA NIABA YA UONGOZI NA FAMILIA YA PADRI AMBROSE AMEIOMBA SERIKALI KUENDELEZA KUIMARISHA ULINZI KWA RAIA WEMA ILI KUPUNGUZA HOFU KWA RAIA WEMA ILIOTANDA MIOYONI MWAO KUTOKANA MATUKIO YA UVAMIZI KWA YALIOSHAMIRI KIPINDI HICHI.

AIDHA FATHER SHAYO AMETAHADHARISHA TABIA AMBAYO IMEANZISHWA NA BAAADHI YA WATU YA KUWAFUNDISHA WATOTO WADOGO KUWAKASHIFU WATU WAZIMA KUTOKANA NA UTOFAUTI WA DINI “WATOTO WADOGO KUWAFUNDISHA TABIA YA KUWAKASHIFU WATU  WENGINE TUELEWE KWAMBA TAIFA HALITAKUA NA MUELEKEO MWEMA WWA JAMII YA BAADAE” ALISEMA FATHER SHAYO.

Chanzo: Mzalendo