Omar al Bashir kupelekwa mahakama ya ICC!

Baraza la mpito limekubali kumkabidhi rais wa zamani Omar al Bashir kwa mahakama ya kimataifa ya ICC.

Omar al Bashir alikuwa akitafutwa kutokana na makosa ya uhalifu wa kivita na uhalifu dhidi ya binaadamu.

Mwezi Desemba kiongozi huyo wa zamani aliyeondolewa madarakani kwa mapinduzi mwezi Aprili, alihukumiwa kifungo cha miaka miwili na kituo cha marekebisho ya tabia kwa makosa ya rushwa.

Kiongozi huyo wa zamani aliingia madarakani kwa njia ya mapinduzi mwaka 1989 na kutawala kwa mkono wa chuma.
Waendesha mashtaka wa mahakama ya ICC waliomba ashtakiwe kwa makosa ya mauaji mjini Darfur.

Umoja wa mataifa umesema kuwa watu karibu 300,000 waliuawa na wengine milioni 2.5 walikimbia makazi yao.