MKURUGENZI ZBC AONDOLEWA!

 Waziri wa Habari Vijana Utamaduni na Michezo Mheshimiwa Tabia Maulid Mwita kwa maelekezo ya Rais wa Zanzibar na Mwenyekiti wa Baraza la Mapinduzi Dr Hussein Ali Mwinyi ametengua uteuzi wa Mkurugenzi Mkuu wa Shirika la Utangazaji Zanzibar ZBC Ndugu Chande Omar.

Utenguzi huo unakuja kufuatia ripoti ya kamati ya Uchunguzi iliyoundwa tarehe 17 Disemba 2020 kwaajili ya kuchunguza mambo mbalimbali yaliyopo katika Shirika hilo.
Mheshimiwa Tabia amesema kamati hiyo imebaini mambo mbalimbali ambayo ni ukiukwaji wa sheria na taratibu za nchi ikiwemo kuajiri wafanyakazi wasio na sifa katika shirika hilo.

Aidha Kwa mujubu wa maelekezo ya Rais wa Zanzibar amevunja bodi ya shirika la utangazaji ZBC na kumteua Ndugu Ali Uki kuwa Mwenyekiti wa Bodi hiyo.

Mr. Chande Omar (katikati) alipokuwa Kaimu Katibu Mtendaji wa Tume ya Utangazaji Zanzibar (kabla hajawa Mkurugenzi Mkuu wa Shirika la Utangazaji Zanzibar ZBC) akionekana katika mwezi wa Oct 2018 akimkabidhi leseni ya Utangazaji kupitia Online TV Mmiliki wa Kituo cha Television cha Mambo TV Swahili Ndg. Adil Ally Saleh, hafla hiyo ya kukabidhi leseni hiyo zilifanyika katika Ofisi za Tume Kikwajuni Zanzibar, akishuhudia ni Mrajisi wa Tume ya Utangazaji Zanzibar Ndg. Omar Said Ameir.