Rais wa Zanzibar na Mwenyekiti wa Baraza la Mapinduzi pia Makamo Mwenyeekiti CCM Zanzibar Dk.Ali Mohamed Shein (kulia) Mwenyekiti wa CCM Mkoa wa Mjini Borafya Silima,Naibu Katibu Mkuu wa CCM Zanzibar Vuai Ali Vuai wakifuatana katika mkutano hadhara uliofanyika leo katika Viwanja vya Demokrasia Kibanda maiti Mjini Unguja,[Picha na Ikulu.
Mke wa Rais wa Zanzibar Mama Mwanamwema Shein na Mke wa Makamo wa Pili wa Rais Mama Pili Balozi wakiwa katika Mkutano wa Hadhara katika Viwanja vya Demokrasia Kibanda maiti Mjini Unguja leo uliohutubiwa na Rais wa Zanzibar na Mwenyekiti wa Baraza la Mapinduzi pia Makamo Mwenyeekiti CCM Zanzibar Dk.Ali Mohamed Shein .[Picha na Ikulu.]
Wananchi na WanaCCM waliohudhuria katika mkutano wa hadhara Uwanja wa Demokrasia Kibandamaiti wakinyoosha mikono juuu kuunga mkono maneno yaliyozungumzwa uwanjani wakati mkutano ukiendelea uliohutubiwa na Rais wa Zanzibar na Mwenyekiti wa Barazala Mapinduzi na Makamo Mwenyekiti wa CCM ZanzibarDk.Ali Mohamed Shein,[Picha na Ikulu.]
Wananchi na WanaCCM waliofirika katika viwanja vyaDemokrasia Kibanda maiti Mjini Unguja wakiwa katika Mkutano wa hadhara uliohutubiwa na Rais wa Zanzibar na Mwenyekiti wa Baraza la Mapinduzi pia Makamo Mwenyekiti CCM Zanzibar Dk.Ali Mohamed Shein leo ambao umeweka bayana na kufanya uchambuzi baadhi ya vifungu vya katiba iliyopendekezwa na Bunge Maalum la Katiba.[Picha na Ikulu.]
Muasisi wa mapinduzi ya Zanzibar na mwana CCM MzeeHamid Ameir alipokuwa akitoa salama za chama kwa Wananchi na WanaCCM Kibandamaiti katika mkutano wa Hadhara uliofanyika leo na kuhutubiwa na Rais wa Zanzibar na Mwenyekiti wa Barazala Mapinduzi na Makamo Mwenyekiti wa CCM ZanzibarDk.ALi Mohamed Shein,[Picha na Ikulu.]
Rais wa Zanzibar na Mwenyekiti wa Barazala Mapinduzi na Makamo Mwenyekiti wa CCM ZanzibarDk.ALi Mohamed Shein alipokuwa akizungumza na Wananchi na WanaCCM Kibandamaiti katika mkutano wa Hadhara uliofanyika leo ,[Picha na Ikulu.]
Makamo Mwenyekiti CCM Zanzibar na Rais wa zanzibar na Mwenyekiti wa baraza la Mapinduzi Dk.Ali Mohamed shein akionesha Katiba iliyopendekezwa na bunge maalum la Katiba kwa wananchi na wanachama wa CCM zanzibar katika viwanja vya Kibandamaiti mjini Unguja leo jioni.{Picha na Ramadhan Othman Ikulu.}
Dk Shein : Msikubali kugawiwa mchakato wa Katiba
STATE HOUSE ZANZIBAR
OFFICE OF THE PRESS SECRETARY
PRESS RELEASE
Zanzibar
TAARIFA KWA VYOMBO VYA HABARI
Makamu Mwenyekiti wa Chama cha Mapinduzi (CCM) Zanzibar na Rais wa Zanzibar na Mwenyekiti wa Baraza la Mapinduzi Dk. Ali Mohamed Shein amewataka wananchi wa Zanzibar wasikubali kugawiwa kutokana na mchakato wa Katiba unaoendelea
Akihutubia maelfu ya wana CCM na wananchi wa Zanzibar katika Mkutano wa hadhara uliofanyika leo katika viwanja vya Demokrasia Kibandamaiti mjini Unguja, Dk. Shein alisema wananchi wote waliridhia na kushiriki mchakato huo hivyo hakuna sababu ya kugawanyika baada ya Bunge la Katiba kupendekeza Katiba Mpya.
Alisisitiza kuwa mchakato wa Katiba kamwe usiwagawe wananchi wa Zanzibar na badala yake waendelee kudumisha amani na utulivu uliopo na kamwe wasikubaliane na viongozi wasioitakia mema Zanzibar.
Dk. Shein aliwaeleza wananchi hao kuwa anashangazwa na viongozi wa Chama cha Wananchi-CUF kwa kuikataa katiba wakijua kuwa kufanya hivyo ni kwenda kinyume na maslahi ya Zanzibar na watu wake.
“Napata mas
haka na viongozi wa CUF kama kweli wanataka maendeleo ya Zanzibar kwa kuwa tulipigania wote suala la mafuta na gesi liondolewe katika mambo ya muungano na Katiba inayopendekezwa imefanya hivyo sasa wanachokataa ni nini?”Alihoji Dk. Shein.
Katika mnasaba huo aliwataka wananchi kuwa makini na viongozi wa chama hicho wanapokwenda kwao kuzungumzia suala la Katiba mpya kwa kuwa hoja zao zimekwisha ilichobaki ni kuwadanganya na kamwe wasikubali jambo hilo.
Alisema wananchi wa Zanzibar wana kila sababu za kuipigia kura ya ndio Katiba hiyo wakati utakapofika kwa kuwa inaunga mkono jitihada zote zinazofanywa na serikali yao katika kuiletea nchi maendeleo ikiwemo suala hilo la kuendeleza wa sekta ya mafuta na gesi.
Dk. Shein aliwaeleza wananchi hao kuwa Katiba inayopendekezwa imezingatia maslahi ya Zanzibar kwa ukamilifu wake na kufafanua kuwa masuala yote yaliyokuwa yakiitwa kero za muungano yamepatiwa ufumbuzi.
Aliwapongeza viongozi mbalimbali waliotoa maelezo ya vifungu mbalimbali vya Katiba hiyo ambavyo vinaonesha jinsi maslahi ya Zanzibar yalivyozingatiwa katika Katiba hiyo ikiwemo fursa mbalimbali itakazopata Zanzibar endapo Katiba hiyo itapitishwa. Alimpongeza piaMzee Hamid Ameir kwa kuvunja ukimya na kueleza juu ya Mapinduzi ya Januari 12, 1964
Dk. Shein alisema kuwa mchakato wa kuundwa kwa Katiba mpya ya Jamhuri ya Muungano wa tanzania si jambo la kukurupuka bali ni suala la muda mrefu ambapo yeye pamoja na Rais Jamhuri wa Tanzania Dk. Jakaya Mrisho Kikwete walishauriana wakati wote na kuwakumbusha wananchi kuwa suala hilo mwanzoni lilitakiwa na upinzani wenyewe.
Katika mkutano huo Dk. Shein aliwahakikishia tena wananchi hao kuwa Zanzibar ilishirikishwa na kushiriki kikamilifu katika mchakato huo tangu mwanzo hadi hatua iliyopofikia sasa kwa kuzingatia sheria ya mabadiliko ya Katiba pamoja na taratibu nyingine zilizowekwa.
Rais wa Zanzibar na Mwenyekiti wa Baraza la Mapinduzi aliwataka wanachama wa Chama cha Mapinduzi kutembelea kifua mbele kutokana na Serikali yake kutekeleza kwa mafanikio makubwa Ilani ya uchaguzi ya CCM ya mwaka 2010.
Alirejea kauli yake kuwa Serikali ya Mapinduzi ya Zanzibar iliyo chini mfumo wa Umoja wa Kitaifa inatekeleza Ilani ya CCM ambayo ndio iliyoshinda uchaguzi na kuwa masuala yote hayo ikiwemo mchakato wa Katiba umewashirikisha vingozi wote katika Serikali hiyo.
Dk. Shein aliwahakikishia wana CCM na wananchi wa Zanzibar kuwa chama hicho kitashida uchaguzi wa Mkuu ujao kwa kishindo na kuongeza kuwa huo ndio utakuwa mwisho wa chama cha CUF.
“Ushindi wa CCM uchaguzi ujao hauepukiki na huo ndio utakuwa mwisho wa CUF na hawatakuwa na kisingizio” alisema Dk. Shein na kuwahakikishia wananchi kuwa uchaguzi ujao utakuwa wa kidemokrasia zaidi kuliko chaguzi zilizopita.
Nae Balozi Seif Idd alimshangaa kiongozi mkubwa wa chama cha CUF kumwita msaliti na kusema kuwa msaliti ni yeye ambaye amewatoa Wajumbe wa Katiba hiyo ambayo ilikuwa inawatetea Wazanzibari.
Alisema kuwa Wajumbe wa CCM wa Bunge la Katiba lililopita wamemtetea Rais wa Zanzibar ambapo kwenye Ibara ya 96 inaonesha wazi Rais wa Zanzibar kuwa Makamu wa Pili wa Rais wa Jamhuri ya Muungano wa Tanzania.
Nayo risala ya WanaCCM wa Mikoa minne ya Kichama ya Unguja ilitoa shukurani kwa Wajumbe wote wa CCM katika Bunge la Katiba na kueleza kuwa kazi kubwa na ya thamani wameifanya viongozi hao katika kuimarisha Muungano pamoja na kuenzi Mapinduzi ya Januari 12, 1964.
Risala hiyo, ilieleza kuwa licha ya kuwepo kwa wapinga Mapinduzi hapa nchini ambayo kila siku wamekuwa wakiaandaa mbinu mpya za kuyahujumu Mapianduzi hayo kamwe hawatofanikiwa.
Aidha risala hiyo ilieleza kuwa kazi ya kuyalinda Mapinduzi ya Januari 12, 1964 ni endelevu na inamuhusu kila mwana chama CCM na kumpongeza Dk. Shein pamoja na Rais wa Jamhuri ya Muungano wa Tanzania Dk. Jakaya Mrisho Kikwete na kusisitiza kuwa Muungano utaendelea kuwa imara.
No comments :
Post a Comment